ხვალ, 16 აპრილს, ლისაბონში, ძიუდოს ევროპის ჩემპიონატი აიღებს სტარტს და 18 აპრილს დასრულდება.

როგორც იცით 81 კილოგრამში საქართველოს ნაკრებს წარმომადგენელი არ ეყოლება, რადგან, ლუკა მაისურაძეს ტრავმა აქვს და ტატო გრიგალაშვილს კოვიდ-19 დაუდასტურდა.

ყველა დანარჩენ წონით კატეგორიაში გარკვეული იყო ვინ იასპარეზებდა, თუმცა „თბილისი გრანდ სლემის“ ჩემპიონმა, გელა ზაალიშვილმაც ტრავმა მიიღო და მას ლევან მატიაშვილი ჩაანაცვლებს. ჩვენი საბოლოო შემადგენლობა ასეთია:

კაცები:
-60 კგ: თემურ ნოზაძე

-66 კგ: ვაჟა მარგველაშვილი

-73 კგ: ლაშა შავდათუაშვილი

-90 კგ: ბექა ღვინიაშვილი, ლაშა ბექაური

-100 კგ: ვარლამ ლიპარტელიანი, ილია სულამანიძე

+100 კგ: გურამ თუშიშვილი, ლევან მატიაშვილი

ქალები:
-52 კგ: მარიამ ჯანაშვილი, ტატიანა ლევიცკა-შუკვანი

-57 კგ: ეთერ ლიპარტელიანი

-70 კგ: მარიამ ჭანტურია

+78 კგ: სოფიო სომხიშვილი

წარმატებები ქართველ ფალავნებს.