ფოთში ზღვაში 26 წლის მამაკაცს სამაშველო სამსახური ეძებს. არსებული ინფორმაციით, იგი მალთაყვას სანაპირ ზოლიდან გაუჩინარდა. მეგობრების მონათხრობიდან კი ირკვევა, რომ მეგობრები ზღვაზე მხოლოდ პიკნიკის მოწყობის მიზნით გავიდნენ და ბანაობას არ აპირებდნენ, რადგან უამინდობა იყო და ზღვა ღელავდა. დაკარგული ბიჭი ნასვამი იყო და სანაპიროსთან ახლოს წელამდე წყალში იდგა, რა დროსაც იგი დინებამ გაიტაცა.
სამძებრო სამუშაოებში ერთ საათზე მეტია ჩართულია როგორც სამაშველო სამსახური, ისე სამაშველო ტექნიკაც, თუმცა ამ დრომდე დაკარგულის პოვნა ვერ ხერხდება. თუ მამაკაცს დღეს ვერ იპოვიან, მისი ძებნას ხვალ დილიდან განაგრძობენ.
