,,მოქალაქეების“ ლიდერმა, ალეკო ელისაშვილმა პრაიდ კვირეულის ირგვლის განვითარებული მოვლენების შესახებ ,,რუსთავი 2“-ის ეთერში ისაუბრა. მან კიდევ ერთხელ აღნიშნა, რომ სასულიერო პირების მიერ ძალადობისკენ მოწოდება დაუშვებელია, თუმცა პრაიდის ორგანიზატორებსაც აქვთ მომხდარზე პასუხისმგებლობა.

,,ეკლესიის მიმართ ასეთი გაშმაგებაც არ მესმის, ბევრი რამ არ მომწონს ეკლესიაში, მაგალითად ფუფუნება მღვდელთმსახურებში, არ მომწონს სასულიერო პირების მიერ ძალადობისკენ მოწოდება, მაგრამ პრაიდის ორგანიზატორებსაც აქვთ მომხდარზე პასუხისმგებლობა. სხვებზე ხელის შეწმენდა არ გამოდის. მე ეს საჯაროდ ვთქვი და ლამის ჯვარს მაცვეს. მე მათ ვუთხარი _ თუ თქვენი მიზანი არის, რომ ამ მარშით საზოგადოებაში თანაგრძნობა გამოიწვიოთ, მოდით ერთმანეთს პატივი ვცეთ-თქო. ნებისმიერი ქმედება შედეგზე გათვლილი უნდა იყოს. მათ თანაგრძნობა უნდოდათ და ეს ჰქონდათ მიზნად, მაგრამ პირიქით მოხდა და საშინელი სიძულვილის ტალღა განხორციელდა. მარშის გამართვა, ამას ვერ აგვარებს“ _ განაცხადა ალეკო ელისაშვილმა.