5 ივლისს "თბილისი პრაიდის" საწინააღმდეგო ძალადობრივი აქციის ერთ-ერთი ორგანიზატორი, გურამ ფალავანდიშვილი აცხადებს, რომ მას დაკავების მოლოდინი არ აქვს. მისი თქმით, ის ოპერატორ ლაქსო ლაშქარავას გარდაცვალების ფაქტზე პასუხისმგებლობას არ გრძნობს.
ფალავანდიშვილი ამბობს, რომ ისინი გაჩერებას არ აპირებენ და მომავალშიც გამოსვლებს აანონსებენ.
"არა მგონია, რომ მე ვინმემ დამსაჯოს, როცა მე კანონდარღვევა არ მაქვს არანაირი. აფრიალებენ ერთი და იგივე კადრს და სურათით დადიან ხან ვისთან, ხან ვისთან, ამის გამო არავის არ იჭერენ და მათ შორის, არც მე. მე არ მომიწოდებია, რომ თქვენს ოპერატორზე ფიზიკური ზემოქმედება ჰქონოდათ, დანარჩენი, იმ ადამიანს რომ ფიზიკურად გაუსწორდნენ, ამის გამო ვწუხვარ. მაგრამ მორალურ პასუხისმგებლობას რატომ უნდა ვგრძნობდე?" - განაცხადა ფალავანდიშვილმა.
ფოტო: interpressnews
