,,სამოქალაქო ეზოში“ შეხვედრები გრძელდება. ამჯერად დისკუსია საგანმანათლებლო სფეროს ირგვლივ გაიმართა და მას ,,სამოქალაქო მოძრაობის“ ერთ-ერთმა ლიდერმა, ქეთი თურაზაშვილმა უმასპინძლა. შეხვედრაზე ,,სამოქალაქო მოძრაობის“ წევრებმა სტუმრებთან ერთად განიხილეს ისეთი თემები, როგორიცაა: განათლების სისტემის პრობლემები, ონლაინ სწავლების ხარვეზები და  საგაკვეთილო პროცესის ხარისხის გაუმჯობესების გზები.

,,სამოქალაქო ეზოში“ შეხვედრები 2019 წლიდან მოყოლებული ყოველ ზაფხულს კვირაში ერთხელ იმართება და შემოდგომის მეორე ნახევრამდე გრძელდება. ,,სამოქალაქო მოძრაობის“ წევრები სტუმრებს ღია ცის ქვეშ მასპინძლობენ და აქტუალურ თემებსა და პრობლემებზე მათთან ერთად მსჯელობენ. შეხვედრების ფარგლებში საგანმანათლებლო საკითხების გარდა ქვეყანაში მიმდინარე პოლიტიკური პროცესები, დედაქალაქში არსებული პრობლემები და სხვა აქტუალური თემებიც განიხილება.