,,ქართვლის დედის“ ქანდაკება დედაქალაქის ერთ-ერთი სიმბოლოა. 1997 წელს, როცა ძველი ქანდაკება ახლით შეცვალეს სოლოლაკის გორაზე 2 დღით 2 ქართვლის დედა ერთად იდგა. არსებობს ფოტო, რომელიც ამ კადრს ასახავს.

ძველი ქანდაკება 1958 წელს აღიმართა, თბილისის 1500 წლისთავთან დაკავშირებით. თავდაპირველად ქანდაკება ხის იყო, თუმცა მოგვიანებით, 1963 წელს ხის ფაქტურა ალუმინით დაიფარა, რათა ქანდაკება არ დაზიანებულიყო. 1997 წელს კი ძველი ქანდაკება ახალი ალუმინის ქანდაკებით შეიცვალა. 20 მეტრის სიმაღლის ქართულ ეროვნულ სამოსში ჩაცმული ქალის ქანდაკების ავტორი ელგუჯა ამაშუკელია.

„ქართვლის დედა“ არის ქართული ეროვნული ხასიათის სიმბოლო: ქანდაკებას ცალ ხელში ღვინის თასი უჭირავს მოყვართათვის, მეორეში კი ხმალი მტერთათვის. ქანდაკების ძირში იშლება ხედი თბილისის ბოტანიკურ ბაღზე, აგრეთვე ბოტანიკური ბაღის ფარგლებში შესაძლებელია მდინარე წავკისისწყლის აღბეჭდვა, სადაც სამი ხიდია გადაგდებული.