ალბათ ჩვენ ძალიან გაგვიმართლა, რადგან თანაბარი ხანგრძლივობით გვაქვს დღეცა და ღამეც (სეზონების მიხედვით მცირედი სხვაობით). თუმცა არსებობს ადგილები დედამიწაზე, სადაც  მზის სინათლე 24 საათის განმავლობაშია, ან პირიქით,  თითქმის სულ ღამეა.

ფენომენს, როდესაც მზე საერთოდ არ ჩადის  ,,პოლარული დღე“  (ან  ,,შუაღამის მზე“ _ ,,The midnight  sun“)  ეწოდება.  ხოლო საპირისპირო ფენომენს, როდესაც მზე მუდმივად  ჰორიზონტს მიღმა რჩება,  ,,პოლარული ღამე“ ეწოდება.  ეს ხდება ზაფხულისა და ზამთრის თვეებში ჩრდილოეთ და სამხრეთ  პოლარულ  წრეებთან ახლოს.  მაშინ, როდესაც  არქტიკაზე  მუდმივად დღეა, ანტარქტიდაზე ღამეა და პირიქით.

თუ გსურთ პოლარული დღეებისა და ღამეების ხილვა, შემდეგ ქვეყნებს უნდა ესტუმროთ:

1. ნორვეგია

ფოტო: https://foundtheworld.com/wp-content/uploads/2016/09/Bergen-Norway-2.jpg

ნორვეგია  ,,შუაღამის მზის“   ქვეყნად არის მიჩნეული. აქ  მაისიდან ივლისის ბოლომდე  დაახლოებით 76 დღის განმავლობაში მზე 20 საათი გადაბმულად ანათებს.  ხოლო სამყაროს ყველაზე ჩრდილოეთით მდებარე ნორვეგიის ქალაქ ჰამერფესტში ზამთარში მზის სინათლეს 1500 საათის განმავლობაში ვერ იხილავთ, ამის პარალელურად მიწის ზედაპირი თოვლით არის დაფარული და სანახაობა მართლაც შთამბეჭდავია. ასევე ტრომსოში, ნორვეგიის ჩრდილოეთით ერთ-ერთ კუნძულზე თქვენ ვერ იხილავთ მზის სინათლეს ნოემბრიდან იანვრის ჩათვლით, ხოლო გრძელი და მოსაბეზრებელი დღეები მაისიდან ივლისის ჩათვლით გრძელდება. ნორვეგიის ქალაქ სომაროიში კი მოსახლეობამ დროის გაუქმება ოფიციალურად მოითხოვა, რადგან ისინი თვლიან, რომ პოლარული დღეების გამო საათს მათ ცხოვრებაში იმხელა მნიშვნელობა არ აქვს, როგორც დანარჩენი მსოფლიოსთვის.

2. ფინეთი

ფოტო: https://i.pinimg.com/originals/26/33/45/263345d61152dc0a1f91507bb4039680.jpg

ზაფხულში ქვეყნის უმეტეს ნაწილში მზე 73 საათის განმავლობაში არ ჩადის, ხოლო ზამთრის თვეებში მზის ნახვა თითქმის შეუძლებელია. ღამე მზე ცოტა ხნით ჩადის,  ჰორიზონტს მიღმა მკრთალად ბჟუტავს და მალევე ისევ ამოდის რაც შებინდებასა და გარიჟრაჟს შორის ბუნდოვან მცირეხნიან ზღვარს ავლებს. ხოლო ზამთრის თვეებში პოლარული ღამეების (Kaamos) პარალელურად აქ თოვლი და სიცივეა.

3. შვედეთი

ფოტო: https://img2.fonwall.ru/o/gy/kiruna-sweden-polar-night.jpg

შვედეთი არის ქვეყანა, სადაც ბევრი სინათლეა, და ის ასევე არის ქვეყანა, სადაც ბევრი სიბნელეა, ეს დამოკიდებულია იმაზე თუ წელიწადის რომელი დროა. ჩრდილოეთ ნახევარსფეროში მდებარე სხვა ქვეყნების მსგავსად, აქ სინათლის ხანგრძლივობის მიხედვით ზაფხულსა და ზამთარს შორის დიდი კონტრასტია. მაისის დასაწყისიდან აგვისტოს ბოლომდე მზე ჩადის შუაღამეს და ამოდის დაახლოებით დილის 4 საათზე. აქ მუდმივი ნათების პერიოდი თითქმის 6 თვემდე გრძელდება. შვედეთის ჩრდილოეთით, კირუნაში პოლარული ღამეები 28 დღის, ხოლო პოლარული დღეები 50 დღის განმავლობაში გრძელდება.

4. ალასკა

ფოტო: https://nypost.com/wp-content/uploads/sites/2/2020/11/Utqiagvik-alaska-01-1.jpg?quality=90&strip=all&w=1200

აქ მაისის ბოლოდან ივლისის ბოლომდე მზე არ ჩადის. ალასკა არქტიკული სარტყელის სამხრეთით მდებარეობს, სადაც ზაფხულის ნაბუნიობის პერიოდში მზე ღამის  12.30-ზე ჩადის.

5. ისლანდია

ფოტო: https://www.arcticdirect.co.uk/wp-content/uploads/2018/03/iceland_glacier.jpg

მზე სრულად არასოდეს ჩადის და მთელი ღამის განმავლობაში ჰორიზონტალურად მოძრაობს. ევროპის სიდიდით მეორე კუნძულზე სიბნელეს თითქმის ვერ ნახავთ მაისის დასაწყისიდან ივლისამდე. არქტიკული ზაფხულის განმავლობაში მზე ჩადის შუა ღამეს და ამოდის ღამის 3 საათზე.