გარემოს ეროვნული სააგენტოს ცნობით, საქართველოში ხანმოკლე წვიმა და ელჭექი 1 ივლისამდე შენარჩუნებული იქნება. დედაქალაქში ჰაერის ტემპერატურა +29, +31 გრადუსი იქნება.

,,1 ივლისამდე დასავლეთ საქართველოს ცალკეულ რაიონში შენარჩუნებული იქნება ხანმოკლე წვიმა და ელჭექი. ჰაერის ტემპერატურა დაბლობ რაიონებში +22, +27 გრადუსი იქნება. აღმოსავლეთ საქართველოში, ძირითადად ღამისა და საღამოს საათებში, მოსალოდნელია ხანმოკლე წვიმა ელჭექით, ზოგან შესაძლებელია სეტყვა. ჰაერის ტემპერატურა დღის საათებში +27, +32 გრადუსი დაფიქსირდება.

ქ. თბილისში მოსალოდნელია ხანმოკლე წვიმა ელჭექით. ჰაერის ტემპერატურა +29, +31 გრადუსი იქნება“ _ ნათქვამია ინფორმაციაში.