კანდიდატის სტატუსი მხოლოდ მთავრობის კუთვნილება არ არის, ის არის ქვეყნის სტატუსი, შესაბამისად, ჩვენი ქვეყნის ყველა მოქალაქეს ეკუთვნის. ამის შესახებ საქართველოს პრემიერ-მინისტრმა ირაკლი რარიბაშვილმა განაცხადა. მისი თქმით, ოპოზიცია რეკომენდაციების შესრულების პროცესში ჩართული არ არის.

როგორც ღარიბაშვილმა ეროპული სამეზობლო პოლიტიკისა და გაფართოების საკითხებში ევროკომისარ ოლივერ ვარჰეისთან ერთად გამართულ პრესკონფერენციაზე აღნიშნა, ის დარწმუნებულია, რომ საქართველო რეკომენდაციებზე მუშაობას მალე დაასრულებს.

,,მჯერა, რომ ჩვენ 12-ვე რეკომენდაციას ძალიან მალე დავასრულებთ. აქვე, მინდა, ღვნიშნო, ბატონო კომისარო, რომ სამწუხაროდ, ყველა აქტორი არ არის ჩართული ამ პროცესში, არ არის ჩართული ოპოზიცია, რომლის პირდაპირი ვალდებულება სწორედ მთავარი, პირველი რეკომენდაციის შესრულება - დეპოლარიზაცია. ჩვენ ნათლად ავხსენით და განვმარტეთ, რომ ამის მიღწევა შეუძლებელია, თუ არ იქნება მათი მხრიდან თანამშრომლობის ანალოგიური მზაობა. მას შემდეგ, რაც ჩვენ 12-ვე რეკომენდაცია გადმოგვეცა, სულ რაღაც ერთ კვირაში პარლამენტი გამოვიდა ინიციატივით, წარადგინა საკუთარი გეგმა, როგორ ვასრულებთ ჩვენ, მმართველი ძალა, პარტია, მთავრობა, პარლამენტი – ყველა ერთად ამ 12-ვე პრიორიტეტს. ჩვენ გავუხსენით კარი ყველა აქტორს – ოპოზიცურ პარტიებს, არასამთავრობო სექტორს, ყველას, ვინც დაინტერესებულია ამ 12 რეკომენდაციის შესრულებით. ჩვენი კარი არის ღია ყველასთვის და მინდა ყველასშევახსენო, მათი ჩართულობა ამ პროცესში აუცილებელია“ _ განაცხადა ირაკლი ღარიბაშვილმა.