თუ გინდათ, რომ ადამიანმა დაიცვას ეს ქვეყანა, თქვენ უნდა სთხოვოთ მას, შეუქმნათ პირობები და ეს მან თავისი ნებით უნდა გააკეთოს. თუ თავისი ნებით არა აკეთებს ამას, პრობლემა თქვენშია. ამ სიტყვებით ,,გირჩის“ ერთ-ერთმა ლიდერმა, სანდრო რაქვიაშვილმა სავალდებულო გაწვევასთან დაკავშირებით განაცხადა. მისივე თქმით, ჯანდაცვის სამინისტრო ადამიანებს განიხილავს, როგორც მთავრობის რესურსს.
,,თავდაცვის სამინისტროს ხედვაში და ეს, მათ შორის, განცხადებებში პირდაპირ იყო ნათქვამი, რომ ადამიანი არის მთავრობის რესურსი, ანუ მთავრობა თქვენ, მე, ჩვენ შვილებს და ახლობლებს განიხილავს როგორც რესურსს და ცდილობს ეს რესურსი გადაამზადოს, აქ დააყენოს, იქ დააყენოს, აქ გაუშვას, იქ გადაანაწილოს. ეს არის ის, რაც იკითხება თავდაცვის მინისტრის განცხადებებშიც.
,,გირჩის“ კანონპროექტში კი წერია, რომ ადამიანი არის თავისუფალი. თუ გინდათ, რომ ადამიანმა დაიცვას ეს ქვეყანა, თქვენ უნდა სთხოვოთ მას, შეუქმნათ პირობები და ეს მან თავისი ნებით უნდა გააკეთოს. თუ თავისი ნებით არა აკეთებს ამას, პრობლემა თქვენშია. თავდაცვის სამინისტროს ხედვა თავდაცვის კანონპროექტთან დაკავშირებით თავის ბუნებით სრულად არის რუსული. ვერ გამართლდებით, თუ მონობას დაუჭერთ მხარს, თუ ადამიანს, როგორც რესურსს ისე შეხედავთ! - აღნიშნა სანდრო რაქვიაშვილმა პლენარულ სხდომაზე სიტყვით გამოსვლისას.
